ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ចុះហត្ថលេខា MOU ជាមួយប្រធានសន្តិសុខប្រចាំតំបន់ របស់ស្ថានទូតអាមេរិកនៅកម្ពុជា
10-July-2019 | ដោយ ពលមនសិការ
ភ្នំពេញ៖ ពិធីចុះហត្ថលេខាលើអនុស្សរណៈនៃការយោគយល់គ្នារវាងនគរបាលជាតិនៃព្រះរាជាណាចក្រកម្ពុជា ជាមួយនឹងប្រធានសន្តិសុខប្រចាំតំបន់ របស់ស្ថានទូតអាមេរិកនៅកម្ពុជា បានធ្វើឡើងកាលពីថ្ងៃទី៩ ខែកក្កដា ឆ្នាំ២០១៩ នៅអគ្គស្នងការដ្ឋាននគរបាលជាតិ។
អនុស្សរណៈដើម្បីការពង្រឹងកិច្ចការពារសន្តិសុខស្ថានទូតអាមេរិកក្នុងរាជធានីភ្នំពេញ បានចុះហត្ថលេខារវាង ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ជាមួយនឹងប្រធានសន្តិសុខប្រចាំតំបន់ របស់ស្ថានទូតអាមេរិក លោក Timithy Pittman ដោយមានការអញ្ជើញចូលរួមពីមន្ត្រីជាន់ខ្ពស់ នៃអគ្គស្នងការដ្ឋាននគរបាលជាតិ និងមន្ត្រីនានារបស់ស្ថានបេសកកម្មការទូតសហរដ្ឋអាមេរិកប្រចាំកម្ពុជា។
ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ក្នុងពិធីចុះអនុស្សរណៈ បានមានប្រសាសន៍រំលឹកអំពីកិច្ចសហប្រតិបត្តិការល្អរវាងនគរបាលជាតិកម្ពុជា និងស្ថានបេសកកម្មការទូតសហរដ្ឋអាមេរិកប្រចាំកម្ពុជា ទាំងមុននិងក្រោយការចុះអនុស្សរណៈកន្លងមក។
ឯកឧត្តម នាយឧត្តមសេនីយ៍ អគ្គស្នងការនគរបាលជាតិ បានថ្លែងជំរុញរកកិច្ចសហប្រតិបត្តិការល្អរវាងគ្នានេះ ជាបន្តថែមទៀត ជាពិសេសការផ្តល់ព័ត៌មានរវាងគ្នាតាមរយៈ Hotline ពាក់ព័ន្ធរាល់ចំណុចសង្ស័យនានា ឬព័ត៌មានផ្សេងៗដែលបំរើផលប្រយោជន៍នៃកិច្ចការពារសន្តិសុខ ៕
ចំនួនអ្នកទស្សនា
- ថ្ងៃនេះ10601
- ម្សិលមិញ14181
- សប្តាហ៍នេះ10601
- ខែនេះ125751
- ឆ្នាំនេះ125751
- សរុប20568207